WHIRLS BISCUITS

أغلب أنواع البسكوت تقريبا نفس العجينة لكن تختلف اختلافات بسيطة بشكلها أو الإضافات اللي نضيف لها من حشوة أو تغليف أو نكهات أو تشكيل ..والبسكوت والكوكيز والتارت وغالب معجنات الشورت بريد  تعتمد على كمية زبدة كبيرة لذلك مهم اختيار نوعية زبدة جيدة عشان تعطيك مذاق ورائحة حلوة للصنف اللي بنسويه ..

العجينة هنا ناعمة جدا وكمية الزبدة فيها اكثر من الدقيق  أنا أحبها أكثر لأنها اسهل بالتشكيل ويعطيني بسكوت خفيف يذوب بالفم ..وبإمكانكم تزيدون كمية الدقيق وتصير  كوبين دقيق يعني(250غم بدل 200) عشان تعادل كمية الزبدة بيعطيكم بسكوت متماسك أكثر وأغلب الطرق كمية الزبدة فيها نفس كمية الدقيق.

أغلب الطرق بالغرامات حاولت أوزنها لكم بالكوب المعياري عشان تكون سهله عليكم وإذا عندكم ميزان لاتتردون بقياس المقادير فيه بدل الأكواب .**

المقادير:

250 غم زبدة (تعادل:2 اصبع ونصف)

200 غم دقيق ( 1/2 1 كوب + 2 ملعقة طعام )

50 غم نشا(1/2 كوب تقريبا)

50 غم سكر بودرة(1/2 كوب إلا ملعقة طعام)

1 ملعقة صغيرة فانيليا

الطريقة:

1- نجهز الفرن على حرارة 180ْ تعادل 350 فهرنهايت 

2- ننخل الدقيق والنشا والسكر مع بعض .

3-نقطع الزبدة لمكعبات ونضيفها على خليط الدقيق

4- نضيف الفانيليا  ونعجنهم باليد أو العجانة بس نستخدم المضرب اللي بالشكل هذا

5- راح تتكون عندنا عجينة لينة وناعمة

6- نجهز كيس التزيين ونستخدم القمع اللي يشبه النجمة  أو أي قمع يشبه له وكل ماكانت فتحة القمع أكبر كل ماصار اسهل لكم بالتشكيل

7- ننزل العجينة بالكيس ونشكل البسكوت بشكل دائري حلزوني

8- ندخلها الفرن بالرف الأوسط من الفرن ونخبزها تحتاج 15 دقيقة تقريبا

وإذا تحبين تحمرين وجه البسكوت للدرجة اللي تحبين أو تتركينه من غير تحمير (اختياري)

بالنسية للحشوة:

كثير وصفات الحشوة فيهاكانت بكريمة الزبدة أو الكلوتد كريم مع المربى  وممكن نغطي الحشوة بحبة بسكوت ثانية أو بدون وممكن من دون حشوة ويوترش أو يغطس نصفها بالشوكولاته .

اللي سويت حشوة سبق جربتها من موقع عبارة عن : 1 كوب قشطة الخفق تخفقينه حتى يتكون عندك كريمة منفوشة ومتماسكة تضيفين لها 1/3 كوب ساور كريم (القشطة الرائبة أو كريمة حامضة) وملعقة أو ملعقتين طعام سكرحسب رغبتك وتخلطينهم وتحفظينها بالثلاجة ساعة ساعتين تبرد وبالعافية.