مقلوبة الباذنجان

١-قطعي باذنجان شرائح عريضة ماتكون رقيقة وادهنيها لزيت زيتون واشويها بالفرن بس تشقر.

٢- قطعي الدجاجة لثمان قطع تقريبا يعني(رجل،فخذ،جناح…..الخ) واسلقيها مع عود قرفة وورق غار ومكعب ماجي واحد لحد ماتستوي.

٣- اطبخي رز مغسول وغير منقوع بماء الدجاج المتبقي لحد مايستوي ٣/٤ استواء. ويكون فيه ماء قليل يعني رطب لاينشف.

٣-افرمي بصل وثوم وكزبرة وفلفل اخضر بارد أوحار حسب رغبتك وقلبيها بشوية زيت زيتون على النار مع بهارات مشكلة وفلفل اسود وملح وملعقتين صلصة طماط ونقلب قطع الدجاج فيهم بس يتغطون بالخلطة. اطفئي النار وأضيفي ملعقتين دبس رمان للخلطة والدجاج وقلبي قليلا.

٤-نرتب في القدر أو صينية الفرن شرائح طماطم ثم الباذنجان ثم الدجاج مع خلطته ثم الرز المستوي ٣/٤استواء والرطب قليلا .. نضغط وجه الارز عشان نضمن مايكون فيه فراغات عشان ماتنفرط المقلوبة عند التقديم.

٥-ندخلها الفرن على حرارة متوسطة ربع ساعة تقريبا. ثم نقلبها بصحن التقديم وبالعافية.